काठमाडौँ । प्रहरी प्रशासनसक्रिय भइरहे पनि सुन तस्करी हुने क्रम रोकिएको छैन । त्रिभुवन अन्तर्राष्ट्रिय विमानस्थलबाट १४ किलो सुन पक्राउ गरेको २४ घण्टा नबित्दै प्रहरीले काठमाडौँको नागढुंगाबाट २ किलो सुनसहित ३ जनालाई पक्राउ गरेको छ । 

रसुवा गोसाइँकुण्ड गाउँपालिका घर भएका २६ वर्षीय विरु तामाङ, २८ वर्षीय ग्याल्सेङ तामाङ र २१ वर्षीय सुनिल भुजेल अवैध रुपमा भित्र्याइएको सुनुसहित पक्राउ परेका हुन् । उनीहरुलाई काठमाडौँ उपत्यका अपराध अनुसन्धान कार्यालयको प्रहरी टोलीले शुक्रबार पक्राउ गरेको हो । उनीहरुलाई २ किलो सुनसहित पक्राउ गरिएको केन्द्रीय प्रहरी प्रवक्ता तथा प्रहरी नायव महानिरीक्षक कुवेर कडायतले राससलाई जानकारी दिनुभएको छ ।

प्रहरी प्रवक्ता कडायतका अनुसार पिकअप स्कार्पियोको गियर बक्समा सुन लुकाएर ल्याइएको  अवस्थामा फेला पारिएको हो ।