काठमाडौँ । प्रहरी प्रशासको सक्रियताको बाबजुत सुन तस्करी नियन्त्रण हुन सकिरहेको छैन ।  त्रिभुवन अन्तर्राष्ट्रिय विमानस्थलबाट साढे ६ किलो सुनसहित विदेशी नागरिकलाई पक्राउ परेका छन् ।  

काठमाडौँ विमानस्थलबाट बिहीबार १४ किलो सुनसहित गोखाका चन्द्र घले पक्राउ परेका थिए । त्यसको भोलि पल्टै शुक्रबार प्रहरीले २ किलो सुनसहित काठमाडौँको नागढुंगाबाट ३ जनालाई पक्राउ गरेको थियो । त्यसको २४ घण्टा नपुन्दै भन्सार कार्यालयले शनिबार राति ६ किलो ५ सय ९० ग्राम सुनसहित इजिप्टका नागरिक मोहमद मोगामद लसिमलाई पक्राउ गरेको हो ।

फ्लाई दुबईको उडान नम्बर एफजेड ५९७ बाट आएका  लसिमलाई विमानस्थल सुरक्षा कार्यालयको टोलीले पक्राउ गरेको हो । पाउडर बनाएर ल्याएको साढे ६ किलो सुनसहित पक्राउ गरिएको  विमानस्थल भन्सार कार्यालयका प्रमुख टोकराज पाण्डेले जानकारी दिनुभएको छ । 

भन्सार कार्यालयका प्रमुख पाण्डेका त्यही सुन प्रकरणमा अन्य २ जना विदेशी नागरिक समेत पक्राउ परेका छन् । तर तिनीहरुको विवरण खुलाइएको छैन ।